BY ISAYA BURUGU,18TH MARCH,2023-Mwanamme wa miaka 39 ambaye ni baba wawatoto wanne anazuiliwa katika kituo cha polisi cha Njoro kaunti ya Nakuru baada ya kukamatwa akijaribu kumsaidia bintiye wa miaka 18 kuavya mimba.
Mwaname huyo anadaiwa kuwa ndiye aliyempachika bintiye mimba yenyewe.Naibu chifu wa lokesheni ndogo ya Amani Milka Langat amesema mwanamme huyo alikuwa amekwenda kumchukua bintiye kutoka shuleni Kitale katika kaunti ya Tras Nzoia akiwa na lengo la kutekeleza uovu huo.
Msichana huyo anasemekana kuwa na ujauzito wa miezi mitatu.Mwanamme huyo anasemekana kuhadaiwa na wanavijiji kusafiri hadi nyumbani kutoa mimba ya bintiye kabla ya kupelekwa hadi maeneo ya vichochoro mjini Njoro.
Langat amesema msichan ahuyo alikiri kulazimishwa kushiriki ngono na babake kwa miaka minne na kusema kuwa alipojaribu kumhusisha mamake alionywa kuwa angeliona cha mtema kuni.Mwanamme huyo anatarajiwa kufikishwa mahakamani baada ya polisi kukamilisha uchunguzi.
