BY ISAYA BURUGU,22ND APRIL,2023-Mwanamme wa miaka 25 anauguza majeraha baada ya kuvamiwa na umati uliojawa na hasira kwa kumua mwanamke wa miaka 22 kuhusiana na mzozo wa kimapezni mjini Kitengela kaunti ya Kajiado.Marehemu anaripotiwa kukataa ombi la mwanamme kutaka kuwa naye kwenye mahusiano hatua iliyompelekea mwanamme huyo kumdunga kisu.
Kamanda wa polisi wa kaunti ya Kajiado Muthuri Mwongera amedhibitisha kisha hicho cha usiku wa kuamkia leo kilichotokea katika hoteli moja akisema mshukiwa ambaye ni mwenzake marehemu katika hoteli hiyo aliondoka kazini mapema kabla ya kurejea tena na kumsubiri mwanamke huyo nje na kutekeleza kitendo hicho.
Walioshuhudia kisha walimvamia mwanamme huyo na kumwacha na majeraha mabaya.Mwongera amesema mshukiwa kwa sasa anaendelea kupokea matibabu katika hospitali moja huko Kitengela chini ya ulinzni mkali akisubiri kufikishwa mahakamani siku ya jumatatu.Mwili wa mwendazake umehifadhiwa katika makafani ya hospitali ya Shalom uchunguzi ukiendelea.
