Kiongozi wa Kanisa Katoliki duniani, Papa Francis, ametoa hotuba ya kusisimua wakati wa ziara yake nchini Mongolia, akiipongeza nchi hiyo kwa kuhimiza amani na uhuru wa kidini. Papa Francis alipokelewa kwa heshima ya kijeshi, ishara ya ukarimu na heshima ya juu aliyopewa wakati wa ziara yake nchini Mongolia.
Hotuba hiyo iliyowalenga viongozi wa serikali na wawakilishi wa makundi ya kiraia wa Mongolia, ilielezea jukumu muhimu la nchi hiyo katika kuleta amani na heshima kwa haki za binadamu barani Asia.
Katika hotuba yake, Papa Francis alitambua hatua za kihistoria za Mongolia, kama vile uamuzi wa kufuta adhabu ya kifo, ambao ni ishara ya kujitolea kwao katika kuheshimu haki za binadamu. Alisisitiza pia umuhimu wa ustahamilivu wa kidini na utunzaji wa mazingira kama sehemu muhimu ya maendeleo endelevu.
Papa Francis alipongeza Mongolia kwa kuwa mfano wa kuigwa katika eneo hili na kuonyesha jinsi nchi inaweza kushirikiana na jamii za kidini tofauti kwa faida ya wote. Ziara hii ya kiongozi wa Kanisa Katoliki ilikuwa ya kihistoria, na iliwavutia mamia ya waumini kutoka sehemu mbalimbali, ikiwa ni pamoja na kutoka China na Taiwan.
Pope Francis and Mongolian President Ukhnaagiin Khürelsükh shared several memorable moments on Saturday, as the Pope was welcomed to Mongolia with full state honours.#PopeInMongoliahttps://t.co/35jn72mOwL pic.twitter.com/8yjBZ9IhfI
— Vatican News (@VaticanNews) September 2, 2023
