Serikali ya Kitaifa imezindua rasmi mitambo ya kidijitali inayolenga kufuatilia utekelezaji wa miradi ya maendeleo nchini. Uzinduzi huo umefanyika katika Chuo cha Serikali eneo la Kabete, jijini Nairobi, ukiongozwa na Katibu wa Wizara ya Usalama wa Ndani, Bwana Raymond Omollo.
Mitambo hii ya kidijitali kwa jina la Beta, inalenga kuboresha ufanisi na uwazi katika utekelezaji wa miradi ya maendeleo, ikilenga kuzuia kukwama kwa miradi hiyo kutokana na ukosefu wa ufuatiliaji wa karibu. Omollo ameelezea kuwa mitambo hiyo itachangia sana katika kuimarisha utendakazi wa serikali na kuhakikisha kuwa miradi yote inayotekelezwa inafuatiwa kwa karibu.
Waratibu wa Mikoa, Makamishna na manaibu wao kutoka pembe tofauti za taifa wametajwa kuwa sehemu muhimu ya zoezi hilo, kwani wanatarajiwa kusaidia katika kufuatilia utekelezaji wa miradi hiyo na kutoa taarifa kwenye mitambo hiyo ya kidijitali.
SOMA PIA: Makamishena 20 wahamishwa, 15 wasalia huku manaibu kamishena 12 wakipandishwa ngazi.
This morning, at the Kenya School of Government (KSG), Lower Kabete, I presided over the official issuance of digital gadgets to Regional and County Commissioners, under the Project Beta initiative. pic.twitter.com/BKy0tTzhGx
— Dr. Raymond Omollo (@ray_omollo) November 22, 2023
