Jopo la watu saba lililoteuliwa na muungano wa Azimio kuwakilisha kwenye mazungumzo ya kuleta uwiano kati yao na mrengo wa Kenya Kwanza umemtaja wakili Paul Mwangi kama katibu wa Pamoja , Prof Makau Mutua na Jeremiah Kioni kama wasaidizi kabla ya kuanza kwa mazunguzo hayo.
Mwenyekiti wa jopo hilo Otiende Amollo ametanagza kuwa tayari wamebuni rasimu ya mpango utakaosaidia kuyaelekeza mazungumzo hayo pindi yatakapoanza.
Aidha amepinga uteuzi wa mbunge wa Eldas Aden Keynan kwenye timu ya kenya kwanza akidai kuwa ni mbunge wa azimio la umoja.
Amollo aliandamana na katibu wa chama cha ODM Edwin Sifuna ,maseneta Enoch Wambua (Kitui) na Ledama Ole Kina (Narok), sawa na wabunge David P’Kosing (Pokot South), Millie Odhiambo (Suba North) and Amina Mnyanzi (Malindi).
Amesisitiza kuwa maswala nyeti wanayotaka yashughulikiwe na mazungumzo hayo ni Pamoja na kupunguzwa kwa bei ya unga ,mafuta,umeme ,uchunguzi wa sava za tume ya uchaguzi nchini IEBC ,mchakato wa kubuni tume ya iebc uweze kuwashirikisha pande zote mbili ,heshima kwa demokrasia na nidhamu kwa vyama vya kisiasa.
AZIMIO BYPARTISAN TEAM STATEMENT. pic.twitter.com/rPpUc5ZyYT
— Otiende Amollo, SC,MP, EBS (@OAmollo) April 13, 2023
