Serikali za Kenya na Congo zimefikia makubaliano ya kuondoa hitaji la visa ili kurahisisha usafiri kati ya mataifa hayo mawili.
Muafaka huu ulitangazwa na Kiongozi wa Taifa, Rais William Ruto, ambaye yuko ziarani katika taifa la Jamhuri ya Congo, baada ya kikao cha pamoja na Rais Denis Sassou-N’Guesso wa Jamhuri ya Congo.
Rais Ruto alitoa taarifa ya pamoja na mwenyeji wake na kuelezea kuwa kuondolewa kwa vikwazo vya usafiri kutaimarisha biashara kati ya Kenya na Congo, huku akisisitiza kuwa Kenya ina lengo la kurejesha safari za ndege za moja kwa moja kutoka Nairobi hadi mji wa Brazzaville.
Makubaliano haya ya kuondoa hitaji la visa yanaashiria hatua kubwa katika kukuza uhusiano wa kidiplomasia na kiuchumi kati ya Kenya na Congo. Hatua hii itachochea biashara na uwekezaji kati ya nchi hizi mbili, na kuwezesha raia wa mataifa haya kufanya safari za kitalii, kibiashara, na za kidiplomasia bila vikwazo vya visa.
The ties with the Republic of Congo provides us with a unique opportunity to reinvigorate our bilateral relations, reaffirm our steadfast commitment to multilateralism and our unwavering unity of purpose as Africans. The various agreements and MoUs signed today will unlock the… pic.twitter.com/aPrHORD2dv
— William Samoei Ruto, PhD (@WilliamsRuto) July 8, 2023
