BY ISAYA BURUGU,18TH JULY,2023-Huku mungano wa Azimio ukitarajiwa kurejelea mandamano yake kesho kuishinikiza serikali kushughulikia gharama ya juu ya kimaisha nchini,Wakazi wa Narok kaskazini wametakiwa kutoshiriki mandamano hayo.
Mbunge wa Narok kaskazini Agness Pareyio amewataka wafuasi wa mrengo huo wasalie manyumbani ili kujiepushia madhara haswa baada ya majeruhi na vifo kuripotiwa sehemu mbali mbali za nchi kufuatia mandamano hayo.
Pareyio amesema hatua hiyo imepelekea mali kuharibiwa sawa na kufuruga amani miongoni mwa jamii.Mbunge huyo wa chama cha Jubilee amesema wakazi wa Narok kaskazini wanaunga mkono serikali kutekeleza kazi zake ipasavyo kushuhughulikia hali ya kiuchumi
.
