BY ISAYA BURUGU 7TH DEC 2023-Ombi limewasilishwa mahakamani kupinga mashtaka ya jinai dhidi ya Mdhibiti wa Bajeti Margaret Nyakang’o.Ombi hilo lililowasilishwa na Mbunge wa Nyamira Stephen Mogaka limeorodhesha afisi ya Mkurugenzi wa Mashtaka ya Umma (ODPP) na Idara ya Upelelezi wa Jinai (DCI) kuwa waliojibu.
Mlalamishi huyo anadai kuwa kukamatwa kwa Nyakang’o na kufikishwa mahakamani kulikiuka haki zake.Mbunge huyo katika karatasi za mahakama anaitaka mahakama kuzuia Inspekta Jenerali wa Polisi, DCI, na DPP kumchunguza na kumfungulia mashtaka.
Kesi ya jinai iliyoanza mwaka wa 2016 ndiyo mzizi wa matatizo yake, huku Nyakang’o na wenzake 11 wakikabiliwa na mashtaka mbalimbali yanayohusiana na ulaghai.
Kufuatia kukamatwa kwake Jumanne, aliachiliwa kwa bondi ya Ksh.2 milioni, kwa chaguo la mdhamini sawa au Ksh.500,000 pesa taslimu.
Alikanusha mashtaka manne katika Mahakama ya Mombasa mnamo Jumanne, Novemba 5, ambapo alikuwa mmoja wa watu 11 walioshtakiwa kwa kula njama, kuendesha Sacco isiyo na leseni, kughushi na kutoa hati za uwongo.
Mashtaka hayo ni matokeo ya uchunguzi ulioanzishwa na DPP na kukabidhiwa kwa DCI.
Kulingana na faili ya uchunguzi, Nyakang’o na wenzake kumi walipatikana na hatia baada ya uchunguzi wa kina wa ushahidi mpya.
