Rais William Ruto ametoa wito wa kusitishwa vita na makabiliano ya kijeshi katika taifa la Sudan, akieleza kwamba kuendelea kwa hali tata ya kivita katika taifa hilo kunasababisha hali ya wasiwasi sio tu katika taifa hilo bali pia katika ukanda wa mataifa ya IGAD.
Akizungumza katika ikulu ya Nairobi alasiri ya Jumatano 19.04.2023, rais ameeleza haja ya jeshi la Sudan na vikosi vya RSF kusitisha mapigano na uharibifu wa mali, na kuangazia haki msingi za wananchi wa taifa hilo.
Inaelezwa kwamba hadi kufikia sasa watu wapatao 270 wamepoteza Maisha yao kufuatia mapigano hayo.
ADDRESS BY HIS EXCELLENCY WILLIAM SAMOEI RUTO, C.G.H., PRESIDENT OF THE REPUBLIC OF KENYA AND COMMANDER-IN-CHIEF OF THE DEFENCE FORCES ON THE SITUATION IN SUDAN https://t.co/cLTiSiBAjK
— William Samoei Ruto, PhD (@WilliamsRuto) April 19, 2023
Rais aidha aliweka bayana kwamba amefanya mazungumzo ya simu na katibu mkuu wa umoja wa Mataifa Antonio Guterres, kwa nia ya kupata suluhu ya kudumu katika mzozo huo unaoendelea kuchacha katika taifa hilo.
Had a telephone conversation with the Secretary-General of the United Nations António Guterres on the Sudan crisis; agreed on urgent need for cessation of hostilities and mission to Khartoum to engage the conflicting parties.
— William Samoei Ruto, PhD (@WilliamsRuto) April 19, 2023
