Wizara ya Usalama wa Ndani na Utawala wa Kitaifa imezindua mchakato wa kukusanya maoni kutoka kwa wananchi, kuhusu mapendekezo ya kuongeza ada za kupata nyaraka muhimu ikiwa ni pamoja na kitambulisho cha kitaifa na pasipoti.
Katika taarifa iliyotolewa mapema leo na Katibu Mkuu wa Uhamiaji, Bwana Julius Bitok, wananchi wanakaribishwa kutoa maoni yao hadi tarehe 8 Disemba mwaka huu. Maoni ya wakenya yatazingatiwa katika mchakato wa mwisho wa kutathmini ada mpya, ambazo zinatarajiwa kuanza kutekelezwa mwezi Januari mwaka ujao.
Kulingana na mapendekezo yaliyotolewa hapo awali, ada mpya zitakazotozwa zinajumuisha shilingi 1000 kwa wale wanaotaka kubadilisha kitambulisho cha kitaifa kilichopotea. Aidha, wale wanaotarajia kupata kitambulisho cha kitaifa kwa mara ya kwanza watahitajika kulipa ada ya shilingi 300.
REVISION OF CHARGES, FEES AND LEVIES RELATING TO IMMIGRATION AND CITIZEN SERVICES
1. It is notified for information of the general public that Kenya Gazette Notice No. 15239 of 2023, 15240 of 2023, 15241 of 2023 and 15242 of 2023 in the Special Issue of the Kenya Gazette Vol.… pic.twitter.com/1vJpFYHP76
— Ministry of Interior | Kenya (@InteriorKE) November 14, 2023
Wakenya wameombwa kuwasilisha maoni yao kwenye ofisi za uhamiaji kwenye jumba la Nyayo Jijini Nairobi, afisi za Wakuu wa Mikoa, Makamishna wa Kaunti, au Manaibu Makamishna wa Kaunti. Pia maoni yanaweza kutumwa kwa barua pepe kwa anwani ifuatayo: info.citizenservices@interior.go.ke
